Appeal to parents ahead of Bonfire night

Apêl i rieni cyn Noson Tân Gwyllt

Annwyl breswylydd,

Yn ystod Calan Gaeaf prysur iawn, deliodd swyddogion â llawer iawn o anhrefn ac ymddygiad gwrthgymdeithasol yng nghanol tref Llanilltud Fawr a oedd yn cynnwys grŵp o tua 40 o bobl ifanc. Roedd llawer o'r rhai a oedd yn gysylltiedig wedi teithio o'r ardaloedd cyfagos, gan gynnwys Sain Tathan a'r Wig.

Cafodd dau o bobl ifanc 13 a 14 oed eu harestio mewn cysylltiad â'r digwyddiad hwn, ac mae dros 10 o atgyfeiriadau ymddygiad gwrthgymdeithasol wedi'u cyflwyno ers hynny mewn perthynas â'r rhai a nodwyd fel rhai a oedd yn gysylltiedig. Mae ymholiadau'n parhau.

Gyda Noson Tân Gwyllt ar y gorwel, rydym yn annog rhieni a gwarcheidwaid i siarad â'u pobl ifanc am beidio â chymryd rhan mewn ymddygiad gwrthgymdeithasol ac i gadw golwg ar eu lleoliad. Bydd gennym batrolau rhagweithiol ar waith a bydd swyddogion yn cymryd camau yn erbyn unrhyw un sy'n arddangos ymddygiad sy'n achosi aflonyddu, braw neu ofid i eraill yn y gymuned.

Os byddwch chi'n gweld tân gwyllt peryglus neu ymddygiad gwrthgymdeithasol, rhowch wybod amdano drwy 101, neu drwy 999 mewn argyfwng.