Dywedoch chi, Gwnaethom ni - Parcio

Prynhawn da,

Yr wythnos hon mae eich tîm plismona cymdogaeth lleol ynghyd â wardeiniaid cymunedol o MTCBC wedi bod yn eich ardal yn mynd i'r afael â phryderon a godwyd ynghylch parcio diogel a phriodol.

Cyhoeddwyd cyfanswm o 26 o hysbysiadau cosb sefydlog i gerbydau a oedd yn troseddu ar draws Treharris, Trelewis a Bedlinog. Mae'r hysbysiad hwn yn cario dirwy.

Er ein bod yn sylweddoli y gall parcio fod yn anodd ar adegau, mae diogelwch y cyhoedd yn hollbwysig ac fe fydd hynny bob amser. Gofynnwn i drigolion fod yn ystyriol o sut a ble rydych chi'n parcio gan sicrhau bod digon o fynediad i gerddwyr a defnyddwyr ffyrdd eraill.

Bydd y tîm cymdogaeth lleol yn parhau i fonitro'r ardal a bydd yn cymryd camau pellach lle bo angen.

Os ydych chi'n profi unrhyw broblemau yn eich ardal, neu os oes gennych chi unrhyw bryderon yn eu cylch, neu faterion diogelwch cymunedol eraill, dylech chi gysylltu â'ch cyngor lleol neu roi gwybod am hyn i ni ar-lein. Mewn argyfwng, os ydych chi neu'ch eiddo mewn perygl, neu os yw trosedd yn digwydd, ffoniwch 999.

Oes angen i chi siarad â'r heddlu ond does dim angen ymateb brys arnoch chi?

Gallwch wneud adroddiad ar-lein drwy ein gwefan https://www.south-wales.police.uk , anfon neges breifat atom drwy Sgwrs Fyw, neu ffonio 101. Mewn argyfwng, ffoniwch 999 bob amser.