Gorchymyn Gwasgaru

Annwyl Breswylydd

Mae swyddogion ym Maesteg wedi cael pwerau ychwanegol i ddelio ag unigolion sy'n achosi ymddygiad gwrthgymdeithasol y penwythnos hwn.

Gwnaed y penderfyniad yn dilyn nifer o ddigwyddiadau ymddygiad gwrthgymdeithasol yn yr ardal dros yr wythnosau diwethaf sydd wedi achosi pryder ymhlith trigolion.

Bydd Gorchymyn Gwasgaru a roddir o dan Ddeddf Ymddygiad Gwrthgymdeithasol, Troseddu a Phlismona 2014, ar waith am 48 awr o 16:00 ddydd Gwener 27 Mawrth 2026 i 04:00 ddydd Sul 29 Mawrth 2026 yng Nghanol Tref Maesteg a'r cyffiniau.

Bydd Swyddogion yr Heddlu a Swyddogion Cymorth Cymunedol yr Heddlu yn gallu cyfarwyddo unrhyw un sy'n achosi, neu sy'n debygol o achosi aflonyddwch, braw neu ofid i adael yr ardal. Bydd gennym hefyd y pŵer i atafaelu unrhyw eiddo y mae swyddogion yn amau ei fod yn cael ei ddefnyddio i achosi ymddygiad gwrthgymdeithasol.