Ymwybyddiaeth o Sgamiau

CYNGOR

Rydym yn parhau i dderbyn adroddiadau am sgamiau lle mae pobl a allai gael eu hystyried yn agored i niwed neu'n oedrannus yn cael eu targedu gan droseddwyr sy'n esgus bod o'ch banc.

Mae rhai dioddefwyr wedi cael eu twyllo o filoedd o bunnoedd ac felly rydym yn annog cymunedau i gadw llygad am arwyddion twyll cludo.

Bydd twyllwyr yn esgus bod yn fancwyr neu'n swyddogion heddlu yn eu hymdrechion i dwyllo pobl o'u harian a byddant yn defnyddio tactegau grymus a bygythiol i gael yr hyn maen nhw ei eisiau.

Os byddwch chi'n derbyn galwad ffôn gan rywun sy'n honni ei fod o'ch banc ac yn ceisio gwneud trefniadau i ddod i gasglu'ch arian parod, cerdyn banc neu unrhyw nwyddau gwerthfawr eraill, rhowch y ffôn i lawr a rhowch wybod amdano.

Helpwch aelodau eich teulu, yn enwedig y rhai sy'n agored i niwed, i aros yn wyliadwrus o ran eu harian ac atgoffwch nhw na fydd y banc na'r heddlu byth yn ffonio i ofyn am wirio manylion personol neu fanylion banc, na'ch PIN. Ni fydd y naill sefydliad na'r llall yn anfon rhywun allan i gasglu arian parod, cardiau na nwyddau gwerthfawr eraill gennych.